Ճապոնիայի նոր վարչապետ Սանաե Տակաիչին ո՛չ հաստատել է, ո՛չ էլ հերքել այն տեղեկությունները, որ նա պատրաստվում է ԱՄՆ նախագահ Դոնալդ Թրամփին առաջադրել Նոբելյան խաղաղության մրցանակի։ Հարցը բարձրացվել է Ճապոնիայի խորհրդարանում քննարկումների ժամանակ։
«Ես կխուսափեմ պատասխանելուց», - ասել է նա՝ ի պատասխան պատգամավորներից մեկի այս հարցի։
Ավելի վաղ Սպիտակ տան մամուլի քարտուղար Քերոլայն Լիվիտը լրագրողներին հայտնել էր, որ Տոկիոյում Թրամփի և Տակաիչիի միջև երկկողմ բանակցությունների ժամանակ Ճապոնիայի կառավարության ղեկավարը հայտարարել է [ԱՄՆ] նախագահին «Նոբելյան խաղաղության մրցանակի» առաջադրելու իր մտադրության մասին։
Թրամփը նախկինում բազմիցս հայտարարել է, որ իրեն արժանի է համարում Նոբելյան խաղաղության մրցանակի։ Հոկտեմբերի 10-ին Նոբելյան կոմիտեն հայտարարեց, որ այս տարվա մրցանակը շնորհվել է Վենեսուելայի խորհրդարանի նախկին ընդդիմադիր անդամ Մարիա Կորինա Մաչադոյին։
