Միացյալ Նահանգները փորձում է պատերազմ և իշխանափոխություն կազմակերպել Վենեսուելայում՝ երկրի բնական պաշարներին տիրանալու համար, հայտարարել է Վենեսուելայի նախագահ Նիկոլաս Մադուրոն։
«Նրանք փորձեցին կազմակերպել պատերազմ Վենեսուելայի դեմ, պետական հեղաշրջում և մեր նավթի ու գազի հսկայական պաշարների գողություն։
Եթե Վենեսուելան չունենար նավթ, գազ, ոսկի, ջուր, միլիոնավոր հեկտար բերրի հողեր և ռազմավարական աշխարհագրական դիրք, գուցե ոչ ոք նույնիսկ չխոսեր մեր մասին», - ասել է Մադուրոն՝ ելույթ ունենալով Կարակասում Մեծ Կարիբյան տարածաշրջանի խորհրդարանական ֆորումի փակման ժամանակ։
Պետության ղեկավարը հավելել է, որ հանրապետության ժողովուրդը «վերագտել է իրեն» և կարողացել է դիմակայել վերջին ամիսների «սպառնալիքների մութ ալիքին»։
