Հայաստանի կառավարությունը հաստատել է Եվրոպական հանձնաժողովի հետ համաձայնագրի ստորագրումը՝ հանրապետությանը միջուկային անվտանգությունն ապահովելու համար 5 միլիոն եվրո ֆինանսական օգնություն տրամադրելու վերաբերյալ։
«Հաստատել «ՀՀ-ում միջուկային անվտանգության և ճառագայթային պաշտպանության ամրապնդում» ծրագրի շրջանակներում Հայաստանի Հանրապետության և Եվրոպական հանձնաժողովի միջև ֆինանսավորման համաձայնագիր կնքելու առաջարկը։
Ֆինանսների նախարարին հանձնարարել կազմակերպել միջազգային համաձայնագրի ստորագրումը», - ասվում է որոշման մեջ, որի նախագիծը ներկայացրել է տարածքային կառավարման և ենթակառուցվածքների նախարար Դավիթ Խուդաթյանը։
Կառավարության որոշման հիմնավորման մեջ նշվում է, որ համաձայնագրի շրջանակներում Հայաստանին կտրամադրվի 5 միլիոն եվրոյի ֆինանսական օգնություն։
