Վաղը՝ հոկտեմբերի 28-ին, Մասիսի հայնքապետ Դավիթ Համբարձումյանը Մոսկվա գործուղումից կվերադառնա Երևան ու հենց օդանավակայանում կկալանավորեն ընդդիմադիր համայնքապետին, դատավոր Ժորա Չիչոյանի կայացրած դատավճռի համաձայն, հոկտեմբերի 23-ին հրապարակվեց 6 տարի 3 ամիս ժամկետով Համբարձումյանին կալանավորելու վճիռը։ Դատավորը վերացրեց 7 տարի քննվող գործով գրավը և որպես խափանման միջոց կիրառեց կալանքը։
2018-ից Հայաստանում ՔՊ իշխանության հաստատումից հետո վերընտված միակ ՀՀԿ-ական համայնքապետին մեղադրում են 2018-ի հեղափոխության ալիքին դիմադրելու համար , ավելի ստույգ՝ 2018-ի ապրիլի 22-ին Հայանիստ գյուղից Հանրապետության հրապարակ շտապող Փաշինյանի աջակիցների նկատմամբ, իբր, զենքի սպառնալիքով բռնություն գործադրելու և մարդկանց շարժը խոչընդոտելու միջադեպի համար։
2019-ից հարուցված քրգործով մեղադրյալ կարգավիճակ ունեցող Դավիթ Համբարձումյանը չի ընդունում իրեն առաջադրված մեղադրանքը և ինքն էլ, ընդդիմադիր ուժերն էլ համարում են, որ քաղաքական հետապնդում է իրականացնում իր և բոլոր ակտիվ գործիչների նհկատմամբ օրվա իշխանության կողմից, այս փուլում ամեն գնով պետք էր մեկուսացնել Դավիթ Համբարձումյանին քաղաքական գործընթացներից՝ 2026-ի համապետական ընտրություններից առաջ, Փաշինյանի վերընտրվելուն խոչընդոտող ակտիվ գործիչները ռիսկ են Փաշինյանի վերընտրվեու համար։
Իսկ Դավիթ Համբարձումյանը Փաշինյանին անվստահություն հայտնելու ընդդիմության վարչապետի թեկնածուն է, ՀՀԿ-ի կողմից առաջադրված Նիկոլ Փաշինյանին իմփիչմենտի քաղաքական գործընթացում: Հատկանշական է, որ Դավիթ Համբարձումյանի կալանավորումը հաջորդում է Գյումրու ընտրված քաղաքապետ Վարդան Ղուկասյանի, բարձրաստիճան եկեղեցակաների կալանավորման աղմկոտ դեպքերին, իսկ առաջիկա օրերին, ըստ շրջանառվող լուրերի, հաջորդը Հայ Առաքելական եկեղեցու առաջնորդ Վեհափառ Հայրապետն է թիրախ ընտրվել։ Դատական համակարգում երիտասարդ դատավոր Չիչոյանի այս վճռին, ասում են, շատ ավելի մեծ երազանքով են սպասել Չիչոյանների ընտանիքը, քան կառավարական առանձնատնից։ Դատավորների դինաստիայի ներկայացուցիչ 30-ամյա դատավոր Ժորա Չիչոյանին մեծ ու արժեքավոր վարձատրում է սպասում՝ Դավիթ Համբարձումյանին կալանավորելու համար։
Ըստ իրավապահ համակարգի մեր աղբյուրի՝ Փաշինյանին այս որոշումով հաճոյացած դատավորին խոստացվել է լուսավոր ապագա․ շուտով կլրանա Մնացական Մարտիրոսյանի պաշտոնավարման ժամկետը, և ուրեմն երիտասարդ Չիչոյանը կդառնա Երևանի ընդհանուր իրավասության քրեական դատարանի հաջորդ նախագահի բարձրագույն պաշտոնին։
Երևան քաղաքի առաջին ատյանի ընդհանուր իրավասության քրեական դատարանի 30-ամյա դատավոր Ժորա Չիչոյանի անունը լրատվամիջոցներում ակտիվ շրջանառվողներից է՝ ոչ միայն մի շարք աղմկահարույց դատավարություններից հետո, այլ հատկապես դատական իշխանության մեջ նրա անձնական-ընտանեկան կապերի պատճառով։
Ժորա Չիչոյանի հորեղբայրը` Սերգեյ Չիչոյանը, ԲԴԽ անդամ էր, այժմ՝ Վճռաբեկ դատարանի հակակոռուպցիոն պալատի դատավորներից է՝ կոռուպցիոն հանցագործությունների քննության դատական կազմի մեջ է, իսկ հայրը` Արմեն Չիչոյանը, Շիրակի մարզի դատախազն է։
