ԱՄՆ նախագահ Դոնալդ Թրամփը հայտարարել է, որ չի ցանկանում հանդիպել Կանադայի վարչապետ Մարկ Քարնիի հետ, քանի որ իր երկիրը երկար ժամանակ «խաբել» է Միացյալ Նահանգներին։
«Կանադան մեզ երկար ժամանակ ստել է, և այն ամենադժվար երկրներից մեկն է գործարք կնքելու համար։ Որքան էլ որ ես սիրում եմ Կանադան և նրա ժողովրդին, այն պարզապես շատ վատ ներկայացուցիչներ է ունեցել», - լրագրողներին ասել է Թրամփը Ճապոնիա մեկնող իր ինքնաթիռում։ Հեռարձակումը ուղիղ եթերում էր Սպիտակ տան YouTube ալիքով։
ԱՄՆ նախագահը հավելել է, որ «որոշ ժամանակով չի հանդիպելու Քարնիի հետ»՝ ԱՄՆ նախկին նախագահ Ռոնալդ Ռեյգանի մասնակցությամբ գովազդի և ամերիկյան առևտրային քաղաքականության քննադատության պատճառով։
