Միացյալ Նահանգները չի համարում իսրայելական զինվորականների կողմից Գազայի հատվածում արմատական պաղեստինյան «Իսլամական ջիհադ» շարժման անդամի սպանությունը հրադադարի խախտում։ Այս մասին լրագրողներին հայտարարել է ԱՄՆ պետքարտուղար Մարկո Ռուբիոն Ճապոնիա մեկնող իր ինքնաթիռում։
Հոկտեմբերի 25-ին Իսրայելի պաշտպանության ուժերը (IDF) հայտարարեցին Գազայի հատվածում գտնվող Նուսեյրաթի փախստականների ճամբարի մոտակայքում «Իսլամական Ջիհադ» շարժման զինված պաղեստինցի արմատականին վերացնելու նպատակային հարված հասցնելու մասին։
«Իսրայելը չի հրաժարվել ինքնապաշտպանության իր իրավունքից։ Ակնհայտ է, որ հրադադարը հիմնված է երկու կողմերի պարտավորությունների վրա։ Ի դեպ, մենք կցանկանայինք նաև, որ Համասը արագացնի իսրայելցի պատանդների մարմինների վերադարձը. նրանք դեռևս ունեն 13 մարմին պատանդների, այդ թվում՝ երկու ամերիկացիների։
«Բայց մենք սա ամբողջը չենք համարում հրադադարի խախտում, նրանք իրավունք ունեն, դա ազդեցություն ունի Իսրայելի վրա, և բոլոր միջնորդները համաձայն են դրա հետ», - ասել է Ռուբիոն, զրույցը հեռարձակվել է Սպիտակ տան YouTube ալիքով։
