Շարունակվելու է անկանխիկ եղանակով թոշակառուների ծախսերի վերադարձի համակարգը և 2026 թվականին հասնելու է 20 տոկոսի՝ ներկայիս 12 տոկոսի փոխարեն։ Այս մասին ԱԺ-ում 2026 թվականի բյուջեի նախագծի քննարկման ժամանակ հայտարարեց վարչապետ Նիկոլ Փաշինյանը։Նա նշեց, որ սա, ըստ էության, թոշակի բարձրացում է․ «Նաև հանրային համերաշխության տրամաբանության մեջ մենք խնդրում ենք և մեխանիզմ ենք ստեղծում, որ այդ թվում՝ նաև թոշակառուները որոշակի ներդրումներ ունենան հենց իրենց եկամուտներն ապահովելու գործում։
Այդտեղ արգահատելի ոչ մի բան չկա դրա մեջ։Այս տարի ներդնելու ենք համընդհանուր հետվճարի համակարգ։ Այսինքն բոլոր քաղաքացիները անկանխիկ առևտրի դեպքում իրենց առևտրի 2 տոկոսը ետ են ստանալու»,– ասաց նա։Փաշինյանը նաև նշեց, որ Հայաստանում աղքատության տոկոսը շարունակում է մնալ բարձր՝ վերջին տվյալներով 23 տոկոս․ «Ստեղ կոնֆլիկտ կա։
Մենք ցույց ենք տալիս մի կողմից տնեսական աճ, ՀՀ–ում փողի մեծ շրջանառություն, բայց աղքատության էական նվազում չենք ունենում»։Նրա խոսքով՝ դրա պատճառը «ավերակ դպրոցներն» են։
