Բելգիայի վարչապետ Բարտ դե Վևերի՝ Euroclear հարթակում արգելափակված ռուսական ինքնիշխան ակտիվների բռնագրավմանը աջակցելուց հրաժարվելու պատճառներից մեկը նրա ցանկությունն է՝ թագավորության ռազմական բյուջեի համար տարեկան 1,2 միլիարդ եվրո գեներացնել այդ ակտիվների վերաներդրումից ստացված եկամտի հարկերի տեսքով, հաղորդում է Soir թերթը։
«Բելգիայի համար Դե Վևերի խաղում խաղադրույքները նույնպես բյուջետային են։ Euroclear-ի չպլանավորված եկամուտները ռուսական ակտիվների վերաինվեստիցիայից արդեն փոխանցվում են Եվրահանձնաժողովին՝ Ուկրաինային աջակցելու համար, բայց դրանք նաև լցնում են Բելգիայի պետության գանձարանը, քանի որ Բելգիայում ենթակա են եկամտային հարկի», - նշում է թերթը։
«Բելգիան արդեն իսկ նախատեսել է այս եկամուտները օգտագործել հիմնականում 2025-2029 թվականների ընթացքում ռազմական ծախսերը ֆինանսավորելու համար, որոնք տարեկան կազմում են 1.2 միլիարդ եվրո», - ընդգծում է Սուարը։
