Սաուդյան Արաբիան դատապարտել է Իրանի վրա Իսրայելի հարձակումը՝ այն որակելով միջազգային իրավունքի և Իսլամական Հանրապետության ինքնիշխանության խախտում։ Այս մասին ասվում է Սաուդյան Արաբիայի ԱԳՆ հայտարարության մեջ։
«Սաուդյան Արաբիայի Թագավորությունը դատապարտում է Իրանի Իսլամական Հանրապետության դեմ իրականացվող ռազմական հարձակումները, որոնք խախտում են նրա ինքնիշխանությունը և միջազգային օրենքները, տարածաշրջանի երկրների և նրա ժողովուրդների անվտանգությունն ու կայունությունը»,- ասված է հայտարարության մեջ։
Սաուդյան Արաբիայի ԱԳՆ-ն նաև կոչ է արել հակամարտող կողմերին ցուցաբերել առավելագույն զսպվածություն՝ զգուշացնելով Մերձավոր Արևելքում սրման բացասական հետևանքների մասին։
«Թագավորությունը կոչ է անում միջազգային հանրությանը և ներգրավված կողմերին կատարել իրենց պարտավորությունները՝ տարածաշրջանում հակամարտությունները թուլացնելու և կանխելու և մեղմելու համար»,- ասվում է հայտարարության մեջ։
