Գյումրիում տեղի ունեցած զանգվածային անկարգությունների մասնակիցներից 13 անձի նկատմամբ որպես խափանման միջոց կիրառվել է կալանքը:
Մեկ անչափահասի նկատմամբ կիրառվել է տնային կալանքը և բացակայելու արգելքը։ «Քրեական օրենսգրքի 327-րդ հոդվածի 1-ին մասով (զանգվածային անկարգություններին մասնակցելը) և 486-րդ հոդվածի 2-րդ մասի 1-ին կետով (մի խումբ անձանց կողմից նախնական համաձայնությամբ արդարադատության իրականացմանը կամ գործի քննությանը միջամտելը)»,– Euromedia24-ին հայտնել են ՀՀ ՔԿ–ից։
Հիշեցնենք՝ Գյումրիում տեղի ունեցած զանգվածային անկարգությունների մասնակից 37 անձ ձերբակալվել է։ 29-ի նկատմամբ հարուցվել է հանրային քրեական հետապնդում։
