Գերմանիայի կանցլեր Օլաֆ Շոլցը մերժել է Կիևին անմիջապես ՆԱՏՕ հրավիրելու վերաբերյալ Ուկրաինայի նախագահ Վլադիմիր Զելենսկու խնդրանքը։ Դրա մասին Շոլցը խոսել է ZDF հեռուստաալիքին տված հարցազրույցում։
Շոլցը հիշեցրել է, որ ՆԱՏՕ-ի երկրները «նկարագրել են հեռանկարները» Ուկրաինայի համար, հայտնել է գերմանական Deutsche Welle պարբերականը։
«Կարծում եմ՝ այս պահին նոր որոշման անհրաժեշտություն չկա»,-նշել է Շոլցը։ Ըստ կանցլերի՝ կարևոր է հստակեցնել, որ «պատերազմող երկիրը չի կարող ՆԱՏՕ-ի անդամ դառնալ»։
«Սա գիտեն բոլորը, այս հարցում տարաձայնություններ չկան»,-հավելել է նա։
«Ներկա պահին Ուկրաինային ՆԱՏՕ-ին միանալու հրավեր չի սպասվում, քանի որ դաշինքի դեպքում հրավերը սովորաբար շատ արագ կապվում է անդամակցության հետ», – հավելել է Շոլցը։
