Իրանի զինված ուժերը տասնապատկել են իրենց հարձակողական կարողությունները Իսրայելի հետ 12-օրյա պատերազմից ի վեր, հայտարարել է Իսլամական հեղափոխության պահապանների կորպուսի (ԻՀՊԿ) գեներալ-մայոր Հոսեյն Նեջաթը։
«Եթե սիոնիստական ռեժիմը կրկին նույն սխալը թույլ տա (նկատի ունենալով Իսրայելի կողմից հունիսին Իրանի վրա հարձակումը), մեր հարձակողական կարողություններն արդեն 10 անգամ ավելի մեծ են, քան 12-օրյա պատերազմի ժամանակ»,-նրա խոսքերն է մեջբերել Իրանի պետական հեռարձակողը։
Նրա խոսքով՝ Իրանը նաև անդրադարձել է նախորդ հակամարտության ընթացքում հայտնաբերված բոլոր պաշտպանական թերություններին։
