Կանանց մոտ խռմփոցը հանդիպում է մոտ երկու անգամ ավելի հազվադեպ, քան տղամարդկանց մոտ, և դրա պատճառը կարող են լինել կանացի սեռական հորմոնները։ Այս մասին հայտարարել է օտորինոլարինգոլոգ, վիրաբույժ և սոմնոլոգ Ռայան Չին Թո Չոնգը՝ The Guardian-ին տված հարցազրույցում։
Նրա խոսքով՝ այդ տարբերության ճշգրիտ մեխանիզմը դեռ հայտնի չէ, սակայն ամենահավանական բացատրությունը համարվում է էստրոգեն և պրոգեստերոն հորմոնների ազդեցությունը։ Ենթադրվում է, որ այս հորմոնները օգնում են պահպանել շնչուղիների մկանների տոնուսը և նվազեցնում դրանց քնի ընթացքում թուլացման հավանականությունը։ Դաշտանադադարի ընթացքում, երբ հորմոնների մակարդակը կտրուկ իջնում է, կանանց և տղամարդկանց մոտ խռմփոցի հաճախականությունը գրեթե հավասարվում է։
Բժիշկը նշել է նաև, որ ավելորդ քաշը բարձրացնում է խռմփոցի ռիսկը՝ անկախ սեռից։ Օրինակ, կանանց մոտ հղիության ուշ փուլերում խռմփոցը հանդիպում է նույն հաճախականությամբ, ինչ տղամարդկանց մոտ։
Մասնագետի խոսքով՝ խռմփոցը առաջանում է, երբ շնչուղիների մկանները թուլանում են, ինչի հետևանքով խոչընդոտվում է օդի հոսքը և առաջանում են թրթռումներ քթի, փափուկ քիմքի, կոկորդի կամ լեզվի շրջանում։ Հնարավոր այլ պատճառների թվում են ալերգիան, քթի մեջ պոլիպների առկայությունը, քթի միջնապատի ծռվածությունը և մրսածությունը։
Թարգմանութոյւնը՝ Euromedia24.com-ի
