Հոկտեմբերի 2–4-ը Ղազախստանի մայրաքաղաք Աստանայում կմեկնարկի Digital Bridge 2025 միջազգային ֆորումը՝ Կենտրոնական Ասիայի ամենամեծ հարթակը, որն ամբողջությամբ նվիրված է տեխնոլոգիաներին, նորարարություններին, ստարտափներին և արհեստական բանականությանը։ Ֆորումը նոր էջ է բացում տարածաշրջանի թվային զարգացման պատմության մեջ: Առաջին անգամ իր ծրագրում այն կներառի Ղազախստանի նախագահի նախագահությամբ ԱԲ խորհրդի նիստը, alem.ai Արհեստական բանականության միջազգային կենտրոնի պաշտոնական բացումը և երկրի վարչապետի մասնակցությամբ եզրափակիչ լիագումար նիստը։
Ֆորումի այս տարվա գլխավոր թեման է Generative Nation–ը, որն արտացոլում է Ղազախստանի ռազմավարական ուղղությունը՝ ձևավորելու մի հասարակություն, որն ի զորու կլինի ապրել և զարգանալ արհեստական բանականության դարում։ Digital Bridge 2025–ը ներկայացնում է ոչ միայն ամենաժամանակակից տեխնոլոգիական լուծումները, այլև՝ ԱԲ-ի գործնական կիրառումը պետական կառավարման, բիզնեսի, կրթության, առողջապահության և գիտության ոլորտներում։ Ֆորումը կդառնա այն հարթակը, որտեղ կսահմանվեն թվային փոխակերպման ուղենիշները ոչ միայն Ղազախստանի, այլև՝ ողջ տարածաշրջանի համար։
Միջոցառումն արդեն իսկ հավաքել է համաշխարհային մակարդակի փորձագետների․մասնակիցների թվում են Google, Meta, ԱՄՆ-ի և Եվրոպայի առաջատար համալսարանների ներկայացուցիչները, ինչպես նաև՝ ճանաչված հետազոտողներ ու փորձագետներ արհեստական բանականության ոլորտում։ Digital Bridge 2025–ը հաստատում է Ասթանայի կարգավիճակը՝ որպես գլոբալ տեխնոլոգիական քարտեզի նոր կենտրոն, որտեղ հանդիպում են գաղափարները, ներդրումները և տաղանդները, որոնք կարող են ձևավորել թվային աշխարհի ապագան։
Digital Bridge ֆորումը արդեն դարձել է ՏՏ ոլորտի ամենախոշոր իրադարձությունը, որին սպասում են ոչ միայն Ղազախստանի, այլև ամբողջ տարածաշրջանի մասնագետներն ու ՏՏ համայնքը։ Վեց տարվա ընթացքում ֆորումն այցելել է ավելի քան 67 հազար մարդ 100 երկրներից, իսկ նրա բեմում հանդես է եկել 550 մասնակից և ավելի քան հազար բանախոս։
