Կոպենհագենի օդանավակայանը անօդաչու թռչող սարքի միջադեպի պատճառով առնվազն 31 չվերթ է ուղղորդել դեպի այլ օդանավակայաններ, հաղորդում է Reuters-ը՝ հղում անելով օդանավակայանի հայտարարությանը։
Նրա խոսքով՝ իրավիճակն, ընդհանուր առմամբ, ազդել է մոտ 20,000 ուղևորի վրա։
Դանիական ոստիկանությունը, իր հերթին, հայտարարել է, որ իրենք տեղեկություններ չունեն այն մասին, թե ով է շահագործել անօդաչու թռչող սարքերը։ Իրավապահ մարմինների աշխատակիցները նաև նշել են, որ հետաքննում են Նորվեգիայում տեղի ունեցած միջադեպի հետ հնարավոր կապը։ Օսլոյի օդանավակայանը նույնպես երեք ժամից ավելի դադարեցրել է գործունեությունը անօդաչու թռչող սարքի հայտնաբերման պատճառով։
Ավելի վաղ Դանիայի մայրաքաղաք Կոպենհագենի օդանավակայանի կառավարման կենտրոնը ՏԱՍՍ-ին տեղեկացրել էր օդանավակայանի ժամանակավոր փակման մասին: Ավելի ուշ Reuters-ը, հղում անելով Դանիայի ոստիկանությանը, հայտնել էր, որ օդանավակայանը վերսկսել է գործունեությունը:
