Ռուսաստանի գիտությունների ակադեմիայի Շիրշովի անվան օվկիանոսագիտության ինստիտուտի ափամերձ բենթոսային էկոլոգիայի լաբորատորիայի առաջատար գիտաշխատող Ֆիլիպ Սապոժնիկովը զգուշացրել է, որ կլիմայի փոփոխությունը լողափերը դարձնում է անվտանգ։ Նրա խոսքերը մեջբերել է ՌԻԱ Նովոստին։
«Մենք աստիճանաբար շարժվում ենք դեպի մի իրավիճակ, երբ Եգիպտոսում, Անապայում, Գելենջիկում, թե որևէ այլ վայրում, շուտով հյուրանոցի լողավազանում լողալը կլինի ավելի տնտեսապես շահավետ, ավելի հանգիստ և առողջարար», - զգուշացրել է նա։
Սապոժնիկովի խոսքով՝ լողավազանները նախընտրելի են հանգստացողների համար՝ հանգստավայրերի ափագծերում շնաձկների և թունավոր մեդուզաների աճող թվի պատճառով։
Նախկինում գիտնականները պարզել են, որ վտանգավոր ջերմային ալիքները, երաշտները և ջրհեղեղները 1950-ական թվականներից ի վեր կլիմայի փոփոխության պատճառով երեք անգամ ավելի հաճախակի են դարձել։ Եթե ջերմոցային գազերի արտանետումները չնվազեն, երաշտները կոչնչացնեն ավելի շատ գյուղատնտեսական հողեր, իսկ ուժեղ անձրևները կհանգեցնեն ավելի աղետալի ջրհեղեղների։
Թարգմանությունը՝ Euromedia24.com-ի
