ԱՄՆ նախագահ Դոնալդ Թրամփը պլանավորում է ՄԱԿ-ի Գլխավոր ասամբլեայի շրջանակներում հանդիպել արաբ և մուսուլման առաջնորդների խմբի հետ՝ քննարկելու պաղեստինա-իսրայելական հակամարտության կարգավորման ուղիները, հաղորդում է ամերիկյան Axios լրատվական կայքը՝ հղում անելով իր սեփական աղբյուրներին։
Հանդիպումը նախատեսված է երեքշաբթի օրը՝ տեղական ժամանակով 14:30-ին (Մոսկվայի ժամանակով՝ 21:30-ին): Այն կկայանա Թրամփի և Իսրայելի վարչապետ Բենիամին Նեթանյահուի հանդիպումից մեկ շաբաթ առաջ, որը նախատեսված է Սպիտակ տանը սեպտեմբերի 29-ին:
Հրավերներ են ստացել Սաուդյան Արաբիայի, ԱՄԷ-ի, Կատարի, Եգիպտոսի, Հորդանանի և Թուրքիայի առաջնորդները։
Պորտալի աղբյուրների փոխանցմամբ՝ Սպիտակ տունը նախատեսում է քննարկել այս երկրների մասնակցությունը Գազայի հատվածի հետպատերազմյան վերականգնմանը, ինչպես նաև այնտեղ սեփական ռազմական զորամիավորումներ տեղակայելու հնարավորությունը որպես «կայունացնող ուժ», որը կփոխարինի իսրայելական զորքերին անկլավից դուրս գալուց հետո։
