Հայտնի կանադացի կինոդերասան Կիանու Ռիվզը, ով վերջերս էր նշել իր ծննդյան 61-րդ տարեդարձը, ամուսնացել է 52-ամյա նկարչուհի Ալեքսանդր Գրանտի հետ։ Այս մասին հայտնում է RadarOnline-ը։ Զույգն ամուսնացել է դեռ ամառվա սկզբին՝ առանց այդ ուրախալի լուրը հասարակության սեփականությունը դարձնելու։ Ամուսնությունը տեղի է ունեցել Եվրոպայում։ «Նրանք տարիներով են խոսել ու քննարկել այդ մասին եւ ի վերջո՝ ուզել են այն, ինչը միայն նրանցը կլիներ։ Կիանուն եւ Ալեքսանդրան գնահատում են իրենց մասնավոր կյանքը, դրա համար էլ իրենց ամուսնությունը գաղտնի են պահել»,- ասված է հրապարակման մեջ։
Նշենք, որ Ռիվզ-Գրանտ զույգն իրոք հայտնի է իր փակ կյանքով։ Նրանք սկսել են հանդիպել առնվազն սկսած 2019 թվականից, միասին մի քանի նախագծեր են իրականացրել։ Ենթադրաբար՝ նշանադրվել են Մալիբուում հենց 2019 թվականին։
