Թուրքիայի նախագահ Ռեջեփ Թայիփ Էրդողանի մասնակցությունը Կազանում BRICS-ի գագաթնաժողովին ցույց է տալիս, որ շատ երկրներ փորձում են հավասարակշռել իրենց հարաբերությունները մի քանի «մրցակից ուժերի» հետ։
Նման կարծիք է հայտնել The New York Times-ը (NYT)։ Թուրքիան շարունակում է մնալ ՆԱՏՕ-ի ռազմավարական գործընկերը, սակայն հրաժարվում է միանալ Ռուսաստանի դեմ արևմտյան պատժամիջոցներին և մեծացնում է Մոսկվայի հետ առևտրի ծավալները։ Թուրքիայի ղեկավարի ներկայությունը գագաթնաժողովին ցույց է տալիս, որ շատ երկրներ փորձում են հավասարակշռել իրենց հարաբերությունները մի քանի «մրցակից ուժերի հետ», ինչպես նշում է թերթը՝ վկայակոչելով փորձագետներին, Էրդողանի այցը վկայում է, որ Մոսկվային մեկուսացնելու արևմտյան երկրների քաղաքականությունը չի հասել իր նպատակին։
Ավելի վաղ A haber հեռուստաալիքը հայտնել էր, որ Էրդողանը Թուրքիա կվերադառնա հինգշաբթի առավոտյան՝ ընդհատելով իր այցը Կազան՝ Անկարայի արվարձանում գտնվող Քահրամանկազան թաղամասում տեղի ունեցած ահաբեկչության պատճառով, որտեղ գտնվում են Տուսայի գործարանն ու օբյեկտները։
