Օդի աղտոտվածությունը՝ գլոբալ մարտահրավեր

Օդի որոշ աղտոտիչներ, ինչպիսիք են ածխածինը, մեթանը և գետնամերձ օզոնը, հանդիսանում են նաև կարճատև կլիմայական աղտոտիչներ և պատասխանատու են օդի աղտոտվածության հետ կապված մահերի զգալի մասի, մշակաբույսերի, պարենային անվտանգության վրա ազդեցությունների համար, ուստի դրանց կրճատումը կարևոր է նաև կլիմայի համար։ Այս մասին հայտնում է<«Հիդրոօդերևութաբանության և մոնիթորինգի կենտրոնը»։ ՄԱԿ-ի անդամ պետությունները գիտակցում են 2030 թվականի դրությամբ վտանգավոր քիմիական նյութերից և օդի, ջրի և հողի աղտոտվածությունից մահերի և հիվանդությունների թիվը զգալիորեն նվազեցնելու, ինչպես նաև մինչև 2030 թվականը քաղաքների շրջակա միջավայրի վրա մեկ շնչի հաշվով բացասական ազդեցությունը նվազեցնելու անհրաժեշտությունը։ Մաքուր օդը կարևոր է մարդկանց առողջության և առօրյա կյանքի համար, քանի որ ազդում է ոչ միայն մարդկանց, այլև էկոհամակարգերի վրա։ ՄԱԿ-ի Կայուն զարգացման կոնֆերանսի «Ապագան, որը մենք ուզում ենք» վերնագրված արդյունքային փաստաթղթում երկրները պարտավորվել են խթանել կայուն զարգացման քաղաքականությունները, որոնք աջակցում են առողջ օդի որակին կայուն քաղաքներում և բնակավայրերում։ Կայուն զարգացման 2030 օրակարգը, որը ևս նկարագրում է կայուն զարգացման, շրջակա միջավայրի պաշտպանության և բոլորի համար բարգավաճման հասնելու ճանապարհային քարտեզը, հաստատում է, որ օդի աղտոտվածության նվազեցումը կարևոր է կայուն զարգացման նպատակներին հասնելու համար։