Արեգակի վրա գտնվող 4197 ակտիվ շրջանը, որում, ըստ գիտնականների, կուտակվել է զգալի քանակությամբ էներգիա, բայց չի առաջացրել ոչ մի հզոր բռնկում, ուղղված է դեպի Երկիր: Այս մասին հայտնում են Ռուսաստանի գիտությունների ակադեմիայի տիեզերական հետազոտությունների ինստիտուտի Արեգակնային աստղագիտության լաբորատորիայից, գրում է РИА Новости-ն։
«4197 ակտիվ շրջանը, որի արագ աճը և բացառիկ չափերը այժմ գրավում են աշխարհի բոլոր տիեզերական կենտրոնների ուշադրությունը, երեկ գիշեր հասել է կենտրոնական արեգակնային միջօրեականին, այսինքն գտնվում է հենց Արեգակ-Երկիր գծի վրա, և առաջիկա երկու օրերին մոլորակի համար կներկայացնի ամենամեծ վտանգը իր ամբողջ գոյության ընթացքում»,- ասվում է լաբորատորիայի Տելեգրամ-ալիքում։
