Սոֆի Մխեյանն այսօր ելույթ չի ունենա «Կոկա կոլա մյուզիք ֆեստ»-ին: Երգչուհին այս մասին հայտնել է սոցիալական ցանցերի իր էջերում՝ նշելով պատճառը:
«Սիրելի հետևորդներ, տեղեկացնում եմ, որ որոշակի տեխնիկական խնդիրների լուծման անհնարինության պատճառով նպատակահարմար չեմ գտնում ելույթ ունենալ @coke_musicfestarmenia 2025-ին»,-երեկվա հրապարակման մեջ գրել էր Սոֆին: Մինչև որոշումը երգչուհին, նույնիսկ, ներկա էր եղել վերջին փորձերին.
«Սակայն ժամեր առաջ հրապարակված Line up-ի նախապես պայմանավորված իմ ելույթի ժամային փոփոխությունից հետո որոշում ենք կայացրել հրաժարվել մասնակցությունից: Ամիսներ շարունակ կատարել ենք ահռելի աշխատանք, որտեղ հին ու նոր երգերս հնչում են բոլորովին այլ ռիթմերով և էներգետիկայով: Միասին դեռ առիթներ կունենանք լավ ժամանակ անցկացնելու, սակայն ներողություն խնդրելով նաև վաղվա իմ հանդիսատեսից, միջոցառմանն, այնուամենայնիվ, ներկա չեմ գտնվի: Շնորհակալ եմ»,-գրել է նա:
Հավելենք, որ փառատոնը տեղի է ունենալու այսօր՝ Sound park-ում:
Նախապես որոշված էր, որ համերգի հեդլայները պետք է լիներ իրանական ծագում ունեցող հոլանդացի երգչուհի Սևդալիզան, սակայն վերջինի հակաքրիստոնեական տեսահոլովակի պատճառով բողոքի ալիք էր բարձրացել և կազմակերպիչներն օրեր առաջ չեղարկեցին նրա ելույթը: Որպես հատուկ հյուր՝ ելույթ կունենա «Լադանիվա» խումբը:
