Միացյալ Նահանգները չի կարող բիզնեսով զբաղվել Հարավային Կորեայում, քանի դեռ այնտեղ «զտում կամ հեղափոխություն» է տեղի ունենում, հայտարարել է ԱՄՆ նախագահ Դոնալդ Թրամփը Հարավային Կորեայի նախագահ Լի Չժե Մյունի հետ հանդիպումից առաջ։
«Ի՞նչ է կատարվում Հարավային Կորեայում։ Սա նման է «զտման կամ հեղափոխության»։ Մենք չենք կարող թույլ տալ, որ սա տեղի ունենա և այնտեղ բիզնեսով զբաղվել։ Ես այսօր Սպիտակ տանը հանդիպում եմ նախագահի հետ», - գրել է Թրամփը իր Truth Social սոցիալական ցանցում։
Երկուշաբթի օրը Հարավային Կորեայի նախագահ Լի Չժե-մյունը և Թրամփը գագաթնաժողով կանցկացնեն Վաշինգտոնում։ Սա Հարավային Կորեայի առաջնորդի առաջին այցը կլինի Միացյալ Նահանգներ հունիսի սկզբին պաշտոնը ստանձնելուց ի վեր։ Երկու կողմերը կքննարկեն իրենց դաշինքի ամրապնդումը, պաշտպանության և անվտանգության համակարգումը, Կորեական թերակղզում խաղաղությունն ու միջուկազերծումը , ինչպես նաև առևտրատնտեսական համագործակցությունը, ներառյալ կիսահաղորդիչների, մարտկոցների և նավաշինության ոլորտները, հայտնել է Լիի վարչակազմը։
