Մեծ Բրիտանիան 118 միլիոն ֆունտ ստեռլինգով գնել է Land Ceptor հակաօդային պաշտպանության հրթիռային համակարգեր, հայտարարել է Մեծ Բրիտանիայի պաշտպանության նախարարությունը։
«Պաշտպանության նախարարությունն այսօր հայտարարեց Մեծ Բրիտանիայի օդային պաշտպանությունը հզորացնելու ծրագրերի մասին՝ ձեռք բերելով վեց նոր Land Ceptor մակերևույթ-օդ դասի հրթիռային համակարգեր։ 118 միլիոն ֆունտ ստեռլինգ արժողությամբ գնումը աշխատատեղեր և զարգացում կբերի երկրի հյուսիս-արևմուտքում», - ասվում է Մեծ Բրիտանիայի կառավարության կայքում տեղադրված մամուլի հաղորդագրության մեջ։
Եվրոպական MBDA ընկերությունը կմատակարարի համակարգերը: Հրատարակության մեջ նշվում է, որ դրանք ունեն «բացառիկ ճշգրտություն» և «կարող են հարվածել ձայնի արագությունից կրկնակի արագ թռչող թենիսի գնդակի չափի առարկայի»:
Համակարգերը կարող են օգտագործվել ինչպես ինքնուրույն, այնպես էլ որպես Մեծ Բրիտանիայի Sky Sabre հակաօդային պաշտպանության համակարգի բաղադրիչ։
