Սպիտակ տան պաշտոնյաները հարցրել են ուկրաինացի պաշտոնյաներին, թե արդյոք Վլադիմիր Զելենսկին կոստյում կհագնի ԱՄՆ նախագահ Դոնալդ Թրամփի հետ երկուշաբթի օրը Վաշինգտոնում հանդիպմանը, հաղորդում է Axios-ը՝ հղում անելով իր աղբյուրներին։
Նրանց խոսքով՝ Զելենսկին օգոստոսի 18-ին Սպիտակ տանը կհայտնվի նույն սև բաճկոնով, որը հագել էր հունիսին Նիդեռլանդներում կայացած ՆԱՏՕ-ի գագաթնաժողովին։ Աղբյուրները հայտնել են, որ նա կպահպանի գործնական հագուստը։ Axios-ի զրուցակիցները նշել են, որ նա փողկապ չի կրի։
Ինչպես հիշեցնում է պորտալը, փետրվարին Զելենսկին Սպիտակ տանը Թրամփի հետ հանդիպմանը հագել էր սև սվիտեր և սև տաբատ, և ամերիկացի առաջնորդը հեգնանքով նշել էր, որ նա «շքեղ է հագնվել»։
Հանդիպման ժամանակ լրագրողներից մեկը հարցրել է Զելենսկիին, թե ինչու նա չի ներկայացել ԱՄՆ նախագահի հետ հանդիպմանը կոստյումով, ինչին նա պատասխանել է, որ հակամարտության ավարտից հետո կհագնի այնպիսի կոստյում, որը «գուցե ավելի թանկ լինի», քան հարց տվողի կոստյումն էր։
