Ռուսաստանի նախագահ Վլադիմիր Պուտինի և ԱՄՆ նախագահ Դոնալդ Թրամփի միջև Ալյասկայում կայանալիք հանդիպումը Վլադիմիր Զելենսկու համար Ուկրաինայի ողջ հակամարտության ընթացքում ամենավտանգավոր պահն է, գրում է բրիտանական Telegraph թերթը։
«Վոլոդիմիր Զելենսկու համար սա, թերևս, պատերազմի ամենավտանգավոր պահն է՝ այն պահը, երբ իր երկրի ճակատագիրը կարող է որոշվել մի հանդիպման ժամանակ, որին նա հրավիրված չէ», - գրում է հրատարակությունը։
Ինչպես նշում է Telegraph-ը, եթե գագաթնաժողովն ավարտվի Զելենսկու համար անբարենպաստ կերպով, նա ստիպված կլինի տհաճ ընտրություն կատարել՝ «ընդունել վատ գործարքը կամ մերժել այն՝ Վաշինգտոնից ստանալով ագրեսորի կարգավիճակ և վտանգելով կորցնել ԱՄՆ-ի կենսական աջակցությունը»։
Կրեմլը և Սպիտակ տունը նախկինում հայտարարել էին, որ Պուտինը և Թրամփը կհանդիպեն Ալյասկայում օգոստոսի 15-ին: Ինչպես հինգշաբթի օրը հայտարարել էր Ռուսաստանի նախագահի օգնական Յուրի Ուշակովը, առաջնորդների հանդիպումը կսկսվի Էլմենդորֆ-Ռիչարդսոնի ռազմաբազայում՝ Մոսկվայի ժամանակով 22:30-ին:
Պուտինը և Թրամփը նախ կանցկացնեն տետ ա տետ հանդիպում, ապա՝ պատվիրակությունների մասնակցությամբ:
