Ամբողջ աշխարհը անհամբեր սպասում է Ռուսաստանի և Միացյալ Նահանգների նախագահների հանդիպմանը, որը կարող է վճռորոշ լինել ոչ միայն Ուկրաինայի հակամարտության կարգավորման, այլև երկու երկրների միջև հարաբերությունների համար։ Այս կարծիքն է արտահայտվել հունգարական առաջատար «Magyar Nemzet» թերթի խմբագրականում՝ Ալյասկայում ռուս-ամերիկյան բանակցությունների նախօրեին։
«Աշխարհը անհամբեր սպասում է Դոնալդ Թրամփի և Վլադիմիր Պուտինի միջև ևս մեկ հանդիպման», - նշում է թերթը՝ մեջբերելով նրանց նախորդ հանդիպումների ժամանակագրությունը, որոնք տեղի են ունեցել Թրամփի առաջին նախագահական ժամկետի (2017-2021) ընթացքում: Թերթը կարծում է, որ ներկայիս բանակցությունները պետք է հաջող լինեն, և Ռուսաստանի և Միացյալ Նահանգների առաջնորդների միջև շփումները «կարող են շարունակվել»:
«Ալյասկայի գագաթնաժողովը կարող է վճռորոշ լինել ոչ միայն ռուս-ուկրաինական պատերազմի [ավարտի], այլև ԱՄՆ-ռուսական հարաբերությունների ապագայի համար», - խմբագրական մեկնաբանության մեջ նշել է «Մագյար Նեմզետը»։
