Գործարար Սամվել Կարապետյանը երկրորդ հայցադիմումն է ներկայացրել բլոգեր Ռոման Բաղդասարյանի դեմ՝ զրպարտության և վիրավորանքի համար`
Պահանջ: Դատարանին խնդրում եմ՝6.1. Հայցադիմումի 3.1. կետում նշված վիրավորական արտահայտությունների համար Ռոման Վալերիի Բաղդասարյանին պարտավորեցնել դատարանի կողմից սահմանված ձևով հրապարակայնորեն ներողություն խնդրել Սամվել Սարգսի Կարապետյանից,6.2. Զրպարտության մասով, Ռոման Վալերիի Բաղդասարյանին պարտավորեցնել հրապարակայնորեն հերքել իրեն պատկանող «facebook.com» սոցիալական կայքի էջերում (https://www.facebook.com/roman.bagdasaran.640220 և https://www.facebook.com/roman.bagdasaryan.184) հայցադիմումի 4.1. կետում արտահայտած և զրպարտություն համարվող փաստացի տվյալները` պարտավորեցնելով պատասխանող Ռոման Վալերիի Բաղդասարյանին դատարանի վճիռն օրինական ուժի մեջ մտնելուց հետո հինգ աշխատանքային օրվա ընթացքում «facebook.com» սոցիալական կայքի՝ Ռոման Վալերիի Բաղդասարյանին պատկանող նույն էջերում «Հերքում՝ Սամվել Կարապետյանի հասցեին կատարված զրպարտություն հանդիսացող տեղեկության վերաբերյալ» վերնագրով հանրամատչելի և բոլորին տեսանելի գրառում կատարել, պահպանելով այն առնվազն 1 ամիս, դրանում նշելով հետևյալը.
«Ես՝ Ռոման Բաղդասարյանս, 2025 թվականի հուլիս ամսին «facebook.com» սոցիալական կայքի էջերումս հրապարակային տեղեկություններ եմ հայտնել գործարար Սամվել Կարապետյանի վերաբերյալ՝ վերջինիս վերագրելով այնպիսի փաստեր, որոնք որևէ կերպ չէին համապատասխանում իրականությանը։ Զերծ կմնամ նախկին հրապարակումներում տեղ գտած զրպարտչական արտահայտությունները այս հերքմամբ կրկին վերահրապարակելուց, միայն կնշեմ, որ ես ընդունում եմ, որ դրանք անհիմն էին և չպետք է հրապարակվեին։
Հրապարակային հայտնում եմ, որ այդ տեղեկություններն ամբողջությամբ եղել են զրպարտչական, սուտ և անհիմն, որի համար ներողություն եմ խնդրում»:6.3. «facebook.com» սոցիալական կայքում հերքման տեքստը տեղադրելու անհնարինության դեպքում՝ պարտավորեցնել Ռոման Վալերիի Բաղդասարյանին վճիռը օրինական ուժի մեջ մտնելուց հետո հինգ աշխատանքային օրվա ընթացքում հանդես գալ հերքմամբ առնվազն 5000 (հինգ հազար) տպաքանակ և Հայաստանի Հանրապետության ողջ տարածքում սպառում ունեցող որևէ տպագիր թերթի միջոցով՝ հրապարակելով հերքման նույն տեքստը, որը պահանջվում է տեղադրել «facebook.com» սոցիալական կայքի՝ Ռոման Վալերիի Բաղդասարյանին պատկանող էջերում:6.4. Ռոման Վալերիի Բաղդասարյանից հօգուտ Սամվել Սարգսի Կարապետյանի բռնագանձել 9.000.000 ՀՀ դրամ՝ որպես զրպարտության և վիրավորանքի համար փոխհատուցում։6.5. Ռոման Վալերիի Բաղդասարյանից հօգուտ Սամվել Սարգսի Կարապետյանի բռնագանձել դատական ծախսի գումարը՝ կազմված պետական տուրքի և փաստաբանի խելամիտ վարձատրության գումարներից։
