Վաշինգտոնը պետք է փոխհատուցի Իրանի միջուկային ծրագրին ԱՄՆ հարվածների հետևանքով պատճառված վնասը, նախքան Թեհրանը համաձայնի վերսկսել բանակցային գործընթացը, հայտարարել է Իսլամական Հանրապետության արտաքին գործերի նախարարության ղեկավար Աբբաս Արաղչին։
«ԱՄՆ-ը պետք է բացատրի, թե ինչու են մեզ վրա հարձակվել բանակցությունների կեսին և ապահովի, որ դա այլևս չկրկնվի: Նրանք պետք է փոխհատուցեն Իրանին պատճառած վնասը», - ասել է նա բրիտանական Financial Times (FT) թերթին տված հարցազրույցում:
Իրանի նախարարը նշել է, որ Վաշինգտոնի հետ բանակցությունները շարունակելու հնարավորությունը դեռևս պահպանվում է, սակայն Թեհրանում շատերը շատ կասկածանքով են մոտենում ԱՄՆ դիվանագիտական նախաձեռնություններին։
«Մարդիկ ինձ ասում են. մի՛ վատնեք ժամանակ, մի՛ թողեք ԱՄՆ-ը խաբի ձեզ, եթե ամերիկացիները նստեն բանակցությունների սեղանի շուրջ, դա կլինի միայն իրենց իրական մտադրությունները թաքցնելու համար», - հավելել է նա։
