Կանադայի կառավարությունը կճանաչի Պաղեստինի պետականությունը ՄԱԿ-ի Գլխավոր ասամբլեայի (ԳԱ) 2025 թվականի սեպտեմբերին կայանալիք նստաշրջանի ժամանակ։ Այս մասին ասվում է երկրի վարչապետ Մարկ Քարնիի հայտարարության մեջ։ «Պաղեստինի քաղաքացիական բնակչության ավելի ու ավելի ծանր տառապանքները որևէ պատճառ չեն թողնում հետաձգելու խաղաղության, անվտանգության և մարդկային կյանքի արժանապատվության աջակցման համար համակարգված միջազգային գործողությունները։
Երկու պետությունների լուծման պահպանումը նշանակում է աջակցել բոլոր այն մարդկանց, ովքեր նախընտրում են խաղաղությունը բռնությանը և ահաբեկչությանը, և հարգել նրանց բնածին ցանկությունը՝ Իսրայելի և Պաղեստինի պետությունների խաղաղ համակեցության համար՝ որպես անվտանգ և բարգավաճ ապագայի միակ ուղի», – ասել է կառավարության ղեկավարը։
Նա նշել է, որ Կանադան մտադիր է ճանաչել Պաղեստին պետությունը ՄԱԿ-ի Գլխավոր ասամբլեայի 80-րդ նստաշրջանում՝ 2025 թվականի սեպտեմբերին։
