Ավստրալիայի կառավարությունը որոշել է YouTube տեսանյութերի հոսթինգի ծառայությունը ներառել այն հարթակների շարքում, որոնք ընկնում են 16 տարեկանից փոքր անձանց սոցիալական ցանցեր մուտքն արգելող օրենքի տակ, հայտարարել է Ավստրալիայի վարչապետ Էնթոնի Ալբանեզեն։
«Կարևոր է, որ Ավստրալիայի կառավարության առցանց անվտանգության հանձնակատարի խորհրդին համապատասխան, 16 տարեկանից փոքր անձինք չեն կարողանա հաշիվ բացել YouTube հարթակում», - ասել է նա ավստրալական լրատվամիջոցների կողմից հեռարձակված մամուլի ասուլիսում։
Քաղաքական գործիչը հաստատել է, որ այս արգելքը կվերաբերի նաև Facebook և Instagram սոցիալական ցանցերին, Snapchat-ին, TikTok-ին և X-ին: Նրա խոսքով՝ առցանց խաղերը, մեսենջերները և կրթական հարթակները սահմանափակումների չեն ենթարկվի:
Ալբանեզեն ասել է, որ սեպտեմբերին ՄԱԿ-ի Գլխավոր ասամբլեայի 80-րդ նստաշրջանի շրջանակներում այլ համաշխարհային առաջնորդների հետ կքննարկի սոցիալական ցանցերի ազդեցությունը դեռահասների հոգեկան առողջության վրա։
