Կամբոջան և Թաիլանդը Չինաստանին վստահեցրել են սահմանին լարվածությունը նվազեցնելու և հրադադարի ռեժիմը պահպանելու իրենց հանձնառության մեջ, հայտարարել է Չինաստանի արտաքին գործերի նախարարությունը Շանհայում Չինաստանի, Կամբոջայի և Թաիլանդի եռակողմ ոչ պաշտոնական հանդիպումից հետո։
«Կամբոջան և Թաիլանդը վերահաստատեցին Չինաստանին իրենց հավատարմությունը հրադադարի համաձայնագրին և շնորհակալություն հայտնեցին Չինաստանին իրավիճակի լիցքաթափման գործում ունեցած դրական դերի համար», - ասվում է նախարարության կայքում տեղադրված հայտարարության մեջ։
Չինական կողմից հանդիպմանը մասնակցել է փոխարտգործնախարար Սուն Վեյդոնգը: ՉԺՀ արտաքին գործերի նախարարության տվյալներով՝ զրույցն անցել է անկեղծ, բարեկամական և ջերմ մթնոլորտում:
«Չինաստանը շարունակում է կառուցողական դեր խաղալ Կամբոջային և Թաիլանդին սահմանային վեճի խաղաղ կարգավորման հարցում աջակցելու գործում», - հայտարարել է Չինաստանի արտաքին գործերի նախարարությունը։
