ԱՄՆ նախագահ Դոնալդ Թրամփի և Մեծ Բրիտանիայի վարչապետ Քիր Սթարմերի հանդիպումը ցույց տվեց, որ նրանց միջև կան մեծ տարաձայնություններ, եզրակացրել է Bloomberg-ը՝ մեկնաբանելով երկու առաջնորդների միջև հուլիսի 28-ին Շոտլանդիայում կայացած բանակցությունները։
Գործակալության տվյալներով՝ չնայած Թրամփի և Սթարմերի զրույցի ընթացքում ընդհանուր հիմքերի վրա կենտրոնանալու փորձերին, նրանց միջև եղած անհամաձայնությունը ակնհայտ էր։ Մասնավորապես, Թրամփը հրապարակավ կոշտ քննադատել է Մեծ Բրիտանիայի կառավարության քաղաքականությունը միգրացիայի, հանցագործության, հարկման և էներգետիկայի հարցերում։
Բացի այդ, հուլիսի 29-ին Թրամփը Truth Social սոցիալական ցանցում գրառում կատարեց՝ կոչ անելով Մեծ Բրիտանիայի կառավարությանը ավելացնել նավթի արդյունահանումը Հյուսիսային ծովում: Նա նաև ասաց, որ Մեծ Բրիտանիայում բարձր հարկերը նավթի արդյունահանումը գործնականում անիմաստ են դարձնում:
Հուլիսի 25-ին Թրամփը մեկնեց Շոտլանդիա հնգօրյա շրջագայության։ Ամերիկացի առաջնորդը կանգ առավ իր Թըրնբերիի գոլֆի հանգստավայրում, որտեղ հուլիսի 28-ին հանդիպեց Սթարմերի հետ։
