Ռումինիայում տեղի ունեցած ավերիչ ջրհեղեղների հետևանքով մոտ յոթ մարդ է զոհվել, հաղորդում է Agerpres լրատվական գործակալությունը։
Այսպես, Սուչավա շրջանում ջրհեղեղի հետևանքով զոհվել է երեք մարդ, կան անհետ կորածներ։ Զգալի վնաս է հասցվել տներին, ճանապարհներին, սոցիալական և կենցաղային ենթակառուցվածքներին։ Նեամտ շրջանում վնասվել է ավելի քան 290 տնային տնտեսություն, իսկ ավելի քան 890 մարդ տարհանվել է։
Ընդհանուր առմամբ, այս երկու շրջաններում, վերջին 24 ժամվա ընթացքում տեղացած ուժեղ անձրևների և տեղական գետերի վարարման պատճառով, գործակալության տվյալներով, ավելի քան 470 տնային տնտեսություն է ջրհեղեղի ենթարկվել, իսկ ավելի քան 200 բնակիչ տարհանվել է իրենց ջրհեղեղված տներից՝ ինչպես ցամաքային տրանսպորտով, այնպես էլ ուղղաթիռներով։
Դանուբի դելտայի Մուսուրա ծոցում ամպրոպի ժամանակ նավակ է շրջվել, որի մեջ եղել է 14 զբոսաշրջիկ, որոնցից չորսը մահացել են միջադեպի հետևանքով։ Զբոսաշրջիկների ազգությունը դեռևս անհայտ է։
Օդերևութաբանները կանխատեսում են, որ Ռումինիայի հյուսիսում և կենտրոնում կշարունակվեն ուժեղ անձրևները և ամպրոպները։
