Մերձավոր Արևելքում արդար խաղաղության հասնելը հնարավոր է միայն անկախ պաղեստինյան պետության ստեղծման միջոցով։
Այս մասին հայտարարել է Իրաքի արտաքին գործերի նախարար, փոխվարչապետ Ֆուադ Հուսեյնը՝ ելույթ ունենալով Նյու Յորքում ՄԱԿ-ի բարձր մակարդակի միջազգային համաժողովում՝ նվիրված պաղեստինյան հարցի կարգավորմանը։
«Արդար խաղաղության Մերձավոր Արևելքում կարելի է հասնել միայն անկախ պաղեստինյան պետության ստեղծման միջոցով։ Տարածաշրջանում արդար խաղաղությանը չի կարելի հասնել պաղեստինյան ժողովրդի իրավունքների հաշվին», – նշել է արտաքին քաղաքականության գերատեսչության ղեկավարը։ Նրա ելույթը հեռարձակվել է ՄԱԿ-ի կայքում։Նրա խոսքով՝ «միջազգային հանրությունը պաղեստինյան հարցի վերաբերյալ երկակի չափանիշների քաղաքականություն է վարում»։
«Մենք մերժում ենք պաղեստինցիների տեղահանումը իրենց հողերից և սովի կիրառումը Գազայի հատվածի բնակիչների դեմ։
Անհրաժեշտ է հրադադարի հասնել Գազայի հատվածում և ապահովել օգնության հասանելիությունը այնտեղ», – ընդգծել է իրաքցի նախարարը։
