Եվրոպան նույնը չի լինի, եթե վերջ չդնի անօրինական ներգաղթին, հայտարարել է ԱՄՆ նախագահ Դոնալդ Թրամփը Շոտլանդիայում Մեծ Բրիտանիայի վարչապետ Քիր Սթարմերի հետ հանդիպման ժամանակ։
«Եվրոպան շատ տարբեր է նրանից, ինչ եղել է 5, 10 տարի առաջ, և եվրոպացիները պետք է գործի անցնեն։ Հակառակ դեպքում՝ հին Եվրոպան այլևս գոյություն չի ունենա։ Մենք չենք կարող անօրինական ներգաղթյալներին այստեղ թողնել», - ասել է ամերիկացի առաջնորդը։
Հունվարի 20-ին, ԱՄՆ նախագահ Դոնալդ Թրամփը, որպես Միացյալ Նահանգների 47-րդ նախագահ, իր առաջին ելույթում խոստացավ անհապաղ դադարեցնել ԱՄՆ անօրինական ներգաղթը և սկսել միլիոնավոր միգրանտների արտաքսման գործընթացը: Նա նաև հայտարարեց ազգային արտակարգ դրություն՝ Միացյալ Նահանգների հարավային սահմանին ստեղծված իրավիճակի պատճառով:
Թրամփը Շոտլանդիա է ժամանել ուրբաթ՝ հուլիսի 25-ին, հինգօրյա մասնավոր այցով, որը նրա առաջին այցն է Մեծ Բրիտանիա՝ պաշտոնը ստանձնելուց ի վեր։
