Թուրքիայի նախագահ Ռեջեփ Թայիփ Էրդողանը ողջունել է Փարիզի՝ Պաղեստինը որպես պետություն ճանաչելու մտադրությունը Ֆրանսիայի նախագահ Էմանուել Մակրոնի հետ հեռախոսազրույցի ժամանակ, հաղորդում է Թուրքիայի ղեկավարի գրասենյակը։
Մակրոնը հինգշաբթի օրը հայտարարեց, որ Ֆրանսիան պաշտոնապես կճանաչի Պաղեստին պետությունը սեպտեմբերին ՄԱԿ-ի Գլխավոր ասամբլեայում։
«Կիրակի օրը հեռախոսազրույցի ժամանակ Էրդողանը շնորհավորել է Մակրոնին Պաղեստինը որպես պետություն ճանաչելու նրա որոշման կապակցությամբ», – ասվում է գրասենյակի հայտարարության մեջ։
Նախագահները քննարկել են նաև Գազայի հատվածում ստեղծված իրավիճակը, ընդ որում՝ Էրդողանը շեշտել է, որ այնտեղ մարդասիրական իրավիճակը վատթարացել է, ուստի, միջազգային հանրությունը պետք է հնարավորինս շուտ գտնի խնդրի լուծումը։
