Ռուսաստանի Դաշնության Երկրորդ Արևելյան ռազմական դատարանը 14 տարվա ազատազրկման է դատապարտել Բախոդուրժոն Ահմադալիևին՝ Նովոսիբիրսկում պայթյուն կազմակերպելու փորձի և «Կրոկուս Սիթի Հոլլ»-ի ահաբեկիչներին աջակցելու համար։ Այս մասին հայտնել են դատարանի մամուլի ծառայությունից։
Ըստ դատավճռի՝ Ահմադալիևը շարժվել է կրոնական ատելությամբ՝ փորձելով սարսափ առաջացնել և ապակայունացնել իրավիճակը երկրում։ Նա ձեռք էր բերել ինքնաշեն պայթուցիկ սարք և տեղափոխում էր այն տաքսիով՝ Նովոսիբիրսկի հասարակական վայրում տեղադրելու նպատակով։ Իրավապահները կանխել են հանցագործությունը՝ բեռնում հայտնաբերելով սարքը։
Հետաքննությամբ պարզվել է, որ Ահմադալիևը նաև օգնել է «Կրոկուս Սիթի Հոլլ»-ում մարտի 22-ի ահաբեկչության կազմակերպիչներին՝ տրամադրելով նրանց մուտքի տոմսեր։ Հուլիսի 21-ին Մոսկվայում սկսվել է այդ ահաբեկչության գործով դատավարությունը։
