Երևանում բացվել է Արցախի սամբոյի և ձյուդոյի ակումբը

20.07.2025 11:42 | Կատեգորիա Սպորտ

Երևանի Շինարարների 28 հասցեում վերաբացվել է սամբո և ձյուդո մարզաձևերի ակումբ, որը կրում է Արցախի և Հայաստանի վաստակավոր մարզիչ` Էռնեստ Միրզոյանի անունը։ Այս մասին հայտնում է «Արարիչ» հասարակական կազմակերպությունը։

2023 թվականին, երբ պատերազմը փլեց մեր երազանքները, մի բան չկորավ՝ ուժը մնալու, հաղթահարելու, վերագտնելու մեր ինքնությունը։ Ակումբի վերաբացման նախաձեռնությունը կյանքի է կոչվել «Արարիչ» հասարակական կազմակերպության շնորհիվ` հովանավորությամբ Արցախի ՆԳ նախարար Կարեն Սարգսյանի։

Ակումբի բացման կարմիր ժապավենը կտրելու պատիվը տրվել է նախաձեռնության հեղինակին և ակումբի ղեկավարին։

Մարզադահլիճի տարածքն ամբողջությամբ վերանորոգվել ու հարմարեցվել է սպորտային ակումբի։ Կառուցվել են նոր հանդերձարաններ, սանհանգույցներ և ամենօրյա պարապմունքների համար նախատեսված դահլիճ՝ համապատասխան մրցագորգով։

«Սա մարզական նախագիծ չէ, այլ ոգու պայքար է։ Սամբոն Արցախում միշտ ունեցել է ուժեղ դպրոց, և այն չպետք է ընդհատվեր, անկախ հանգամանքներից» -նշել է Կարեն Սարգսյանը։

Արցախյան սամբոյի դպրոցը տարիներ շարունակ տվել է ուժեղ մարզիկներ․ մեծահասակների աշխարհի 3, Եվրոպայի՝ 7, 30-ից ավելի միջազգային մրցանակակիրներ, աշխարհի սուպեր գավաթի չեմպիոն, պատվախնդիր մարտիկներ։ Այս վերածնված ակումբը հենց այդ ժառանգության շարունակությունն է։ Միջոցառմանը մասնակցել են հոգևոր և աշխարհիկ դասի ներկայացուցիչներ, քաղաքական ու հասարակական գործիչներ, «Հայրենիք» կուսակցության հիմնադիր-առաջնորդ Արթուր Վանեցյանի գլխավորությամբ։

Արցախի թեմի առաջնորդ Վրթանես եպիսկոպոս Աբրահամյանի օրհնությամբ վերահաստատվել է, որ նույնիսկ պայքարի արվեստը կարող է ծնվել խոնարհ հոգուց և ապրել արդար նպատակի համար։

Արժևորելով սպորտի դերն ու նշանակությունը՝ Հայաստանի և Արցախի երեխաները նորաբաց ակումբում կպարապեն անվճար հիմունքներով։ Սա Կարեն Սարգսյանի համար առաջնային ու սկզբունքային նշանակություն ունի։

Փոքրիկ մարզիկները հյուրերին ողջունել են ցուցադրական ելույթներով։

Օրն ավելի ամբողջական են դարձրել «Էրեբունի» մանկապատանեկան ստեղծագործական կենտրոնի «Հայաստան» պարային համույթի սաները` ազգային պարերով։

Լրահոս

23:59

Իրանի գերագույն առաջնորդ Այաթոլլա Ալի Խամենեին սպանվել է, նրա մարմինը հայտնաբերվել է. BBC

23:18

Անհրաժեշտ է հարգել Իրանի ինքնիշխանությունը, անվտանգությունը և տարածքային ամբողջականությունը․ Չինաստանի ԱԳՆ

22:14

Դուբայի օդանավակայանում թռիչքի է սպասում շուրջ 5000 մարդ

21:54

Բացահայտվել է սպանության նախապատրաստություն, կա ձերբակալված․ ՀՀ ՆԳՆ

21:28 Կարևոր

Այս պատերազմից հետո աշխարհն առերեսվելու է բոլորովին այլ Մերձավոր Արևելքի հետ. Արմեն Այվազյան

20:46

Տարածաշրջանում պատերազմ է սկսվել, այս մարդիկ նարդի են խաղում․բացառված չէ՝ ընտրությունները հետաձգվեն (տեսանյութ)

19:12

Գրեթե բոլոր պաշտոնյաները ողջ են․ Արաղչի

18:51

Իրանի ու Իսրայելի հակամարտությունը հասնում է պայթյունավտանգ շեմի (տեսանյութ)

18:48 Շտապ

Ոչ մի հաստատված պաշտոնական տեղեկատվություն չկա Իրանի հոգևոր առաջնորդի զոհվելու մասին․ իրանագետ

18:11

Իրանի ԱԳ նախարարը խոստացել է, որ դպրոցի վրա հարձակումը անպատասխան չի մնա

18:04 Կարևոր