Ֆրանսիայում խոսել են ուկրաինացի զինվորներին վերապատրաստելու ծրագրերի մասին

20.10 13:40 | Կատեգորիա Համաշխարհային

Ֆրանսիան մտադիր է շարունակել իր տարածքում ուկրաինացի զինվորների համար զորավարժությունների կազմակերպումը։ Այս մասին La Tribune Dimanche թերթին տված հարցազրույցի ժամանակ հայտարարել է հանրապետության պաշտպանության նախարար Սեբաստիան Լըկորնյուն, գրում է ՏԱՍՍ-ը։

«Ես նման մտադրություն ունեմ (շարունակել Ուկրաինայի Զինված ուժերի զինվորների վերապատրաստումը - խմբ․), աշխատում եմ դրա վրա», - ասել է ռազմական գերատեսչության ղեկավարը:

Նա պարզաբանել է, որ Կիևին անհրաժեշտ է ձևավորել ևս մոտ 10 նոր բանակային բրիգադներ։ Միաժամանակ մոտ 2,3 հազար ուկրաինացի զինվորականներ ներկա պահին մասնակցում են զորավարժություններին, որոնք տեղի են ունենում Ֆրանսիայի Գրանդ Էստ շրջանում։

Նախարարը պատասխանել է նաև Կիևին ռազմական օգնության հետ կապված հարցերին։ Նրա խոսքով՝ Ֆրանսիան ներկայումս «ռազմավարական մերձություն ստեղծելու գործընթացում է» Ուկրաինայի հետ։

Լըկորնյուն վստահություն է հայտնել, որ հակամարտության գոտի զենքի շարունակական մատակարարումը չի վնասի հանրապետության բյուջեին։ Նրա խոսքով՝ Փարիզը ուկրաինացի մարտիկներին է փոխանցում այն տեխնիկան, որը ֆրանսիական զորքերի հրամանատարությունը պատրաստվում էր փոխարինել ավելի ժամանակակիցներով։

Ավելին, երկրի իշխանությունները Ուկրաինային նոր զենք են պատվիրում ոչ թե դրսից, այլ տեղական ձեռնարկություններից։ «Մենք նաև օգտագործում ենք ռուսական սառեցված ակտիվներից ստացված եկամուտները՝ Ուկրաինայի համար ռազմական տեխնիկա գնելու համար։ Ֆրանսիան մինչև 2024 թվականի վերջը ստացել է 300 միլիոն եվրո»,- հավելել է ռազմական գերատեսչության ղեկավարը։

Միայն Աստծուն է հայտնի` ինչ կլինի Ադրբեջանի հետ իշխանությունն ընտանիքի անդամ հաջորդ ժառանգորդին փոխանցելիս. Վարդան Ոսկանյան

11.05 00:36 | Կատեգորիա Մտքեր

ԱՄՆ-ում սկսվու՞մ է անօրինական ներգաղթյալների «ինքնաարտաքսման» ծրագիրը․ ի՞նչ հրամանագիր է ստորագրել Թրամփը

10.05 23:49 | Կատեգորիա ԱՄՆ

Մոռացողը՝ ուրացող է, ուրացողը՝ պայքարող չէ, այլ հանձնվող ու ստրկացող է, քիչ անց՝ նա արդեն հայ էլ չէ՝ ձուլվող ու վերացող է․ Արմեն Այվազյան

09.05 23:44 | Կատեգորիա Մտքեր