Հունիսի 15-ին ՆԳՆ ոստիկանության օպերատիվ կառավարման կենտրոն է ահազանգել Երևանի բնակիչ 53-ամյա մի կին և հայտնել, որ հունիսի 14-ին անհայտ անձը մտել է իր բնակարան և գողացել 2 պայուսակ, որոնցում եղել են ոսկեղեն և գումար։
ՆԳՆ ոստիկանությունից տեղեկացնում են, որ կազմված փաստաթղթերը ներկայացվել են Մալաթիա-Սեբաստիա վարչական շրջանի քննչական բաժին։ Նախաձեռնվել է քրեական վարույթ, որի շրջանակում ձեռնարկված միջոցառումների արդյունքում պարզվել է գողությունը կատարած անձի ինքնությունը։
Հուլիսի 10-ին Երևանի բնակիչ 33-ամյա տղամարդը ձերբակալվել և տեղափոխվել է Քրեական ոստիկանության Երևան քաղաքի վարչություն, ապա ներկայացվել վարույթն իրականացնող մարմին:
Կատարվում է նախաքննություն, հանգամանքները պարզվում են։
