Եվրամիությունը չի հավատում, որ Միացյալ Նահանգների հետ իր հարաբերությունները երբևէ կվերադառնան այն մակարդակին, որը գոյություն ուներ մինչև Դոնալդ Թրամփի Սպիտակ տուն մտնելը, Հռոմում արդյունաբերական ֆորումի ժամանակ հայտարարել է Եվրահանձնաժողովի նախագահ Ուրսուլա ֆոն դեր Լայենը։
չենք
«Մենք միամիտ չենք և չենք կարծում, որ մեր հարաբերությունները ԱՄՆ-ի հետ կվերադառնան նախկինում եղած մակարդակին»,-ասել է ֆոն դեր Լայենը։ Նա հավելել է, որ ԵՄ-ն դեռևս բանակցություններ է վարում ԱՄՆ-ի հետ առևտրային մաքսատուրքերի լիակատար չեղարկման շուրջ, սակայն որևէ լավատեսություն չի հայտնել այդ հարցում։
Նա ընդգծել է, որ ԵՄ առևտրի 80%-ը «ԱՄՆ-ի հետ չէ» և ասել, որ ԵՄ-ն այժմ առաջ է մղում այս հարաբերությունները՝ ձգտելով դրանք հնարավորինս արագ ամրապնդել՝ աշխարհի տարբեր երկրների հետ ազատ առևտրի համաձայնագրեր կնքելով։
