Ինդոնեզիան կմնա BRICS-ի անդամ՝ չնայած ԱՄՆ նախագահ Դոնալդ Թրամփի սպառնալիքներին՝ 10% մաքսատուրքեր սահմանել խմբի «հակաամերիկյան» քաղաքականությունը սատարող ցանկացած երկրի համար, հայտարարել է պետքարտուղար Պրասետյո Հադին։
«Մենք Վաշինգտոնի սպառնալիքները տեսնում ենք որպես BRICS-ին միանալու հետևանքներից մեկը, և մենք ստիպված կլինենք դիմակայել դրան», - նրա խոսքերն է մեջբերում Jakarta Globe թերթը։
Ավելի վաղ Թրամփը հայտարարել էր BRICS-ի «հակաամերիկյան» քաղաքականությունը սատարող երկրների համար լրացուցիչ 10% մաքսատուրքեր սահմանելու մասին:
Բացի այդ, ամերիկացի առաջնորդը նամակներ է ուղարկել մի շարք պետությունների, այդ թվում՝ Ինդոնեզիայի ղեկավարներին՝ օգոստոսի 1-ից լրացուցիչ մաքսատուրքեր սահմանելու մտադրության մասին: Ինդոնեզական ապրանքների մաքսատուրքերը կկազմեն 32%:
