Իսլամաբադը սպասում է ռուսական կողմից առաջարկների ատոմային էներգիայի ոլորտում։ Այս մասին ՏԱՍՍ-ին հայտարարել է Պակիստանի վարչապետի՝ արդյունաբերական հարցերով հատուկ օգնական Հարուն Ախտար Խանը։
«Ինչպես գիտեք, մենք հավատում ենք խաղաղ նպատակներով միջուկային էներգիայի օգտագործումը խթանելու կարևորությանը։ Եվ այս պահին մենք լուրջ խնդիր ունենք էներգակիրների գների հետ կապված։
Եվ միջուկային էներգիան ամենաէժաններից մեկն է։ Հետևաբար, իհարկե, մենք կցանկանայինք ուսումնասիրել այդ հնարավորությունների շրջանակը, ներուժը։ Ինձ թվում է, որ այս հարցն արդեն քննարկվում է», - ասել է նա՝ պատասխանելով Պակիստանի և
Ռուսաստանի միջև միջուկային էներգիայի ոլորտում համագործակցության հեռանկարների մասին հարցին։
«Մենք կցանկանայինք կրճատել մեր էներգիայի ծախսերը։ Սա լուրջ խոչընդոտ է Պակիստանում բիզնես վարելու համար։ Մենք անհամբեր սպասում ենք դրան», - ավելացրել է Հարուն Ախտար Խանը։
