Հրապարակվել է Կարմիր ծովում «Magic Seas» բեռնատար նավի խորտակման տեսանյութը։
Բեռնատար նավը հուլիսի 6-ին հարձակման է ենթարկվել «Անսար Ալլահ» ապստամբական շարժման հուսիթների կողմից։
Թագավորական նավատորմի ծովային առևտրի համակարգման կենտրոնը հայտնել է, որ հարձակվողները բեռնատար նավին մոտեցել են մոտորանավակներով։ Նրանք հարձակվել են բեռնատարի վրա՝ օգտագործելով փոքր զենքեր, նռնականետեր և անօդաչու մակերեսային տրանսպորտային միջոցներ։
Նավի օպերատոր՝ հունական Stem Shipping ընկերության խոսնակն ավելի վաղ հայտարարել էր, որ բեռնատարը լքած անձնակազմի 19 անդամները անվտանգ են։
Ավելի վաղ հայտնել էինք, որ Լիբերիայի դրոշի ներքո նավարկող հունական Eternity C բեռնատար նավը խորտակվել է Կարմիր ծովում՝ Եմենի ափերի մոտ, հութիների կողմից Եմենի ապստամբական «Անսար Ալլահ» շարժման հարձակման հետևանքով։
