ԱՄՆ-ում Patriot հակաօդային պաշտպանության հրթիռների պաշարները կրճատվել են մինչև Պենտագոնի ռազմական ծրագրերի իրականացման համար անհրաժեշտ մակարդակի 25%-ը, հաղորդում է The Guardian-ը՝ հղում անելով աղբյուրներին։
Նրանց խոսքով՝ Ուկրաինային ռազմական օգնության ուղարկումը և Իրան-Իսրայել հակամարտության սրումը, երբ ԱՄՆ-ը ակտիվորեն հետ մղեց իրանական օդային հարձակումները Իսրայելի տարածքի և Կատարում գտնվող իր բազայի վրա, հանգեցրին Patriot հրթիռների պաշարների կտրուկ կրճատման։
Ինչպես նշում է հրատարակությունը, ԱՄՆ նախագահ Դոնալդ Թրամփի վարչակազմի կողմից Կիևին զենքի մատակարարումը դադարեցնելու վերջին որոշումը հիմնված էր «գլոբալ զինամթերքի հաշվիչի» տվյալների վրա, որը Պենտագոնն օգտագործում է ամերիկյան ռազմական գործողությունների հաջող իրականացման համար անհրաժեշտ զենքի պաշարների մակարդակը որոշելու համար։
