BRICS գագաթնաժողովի կազմակերպումը ցույց տվեց ավելի բարձր կարգուկանոն՝ ի տարբերություն G20 գագաթնաժողովի, հաղորդում է Bloomberg-ը։
Ի տարբերություն G20 գագաթնաժողովի, BRICS երկրների առաջնորդները ժամանել են ժամանակին և ամբողջ կազմով, ինչպես նաև խմբակային լուսանկար են արել։
Լուսանկարի կենտրոնական հերոսը Բրազիլիայի նախագահ Լուլա դա Սիլվան էր՝ Հնդկաստանի վարչապետ Նարենդրա Մոդիի և Հարավաֆրիկյան Հանրապետության նախագահ Սիրիլ Ռամաֆոսայի կողքին։ Ներկա էին նաև Ռուսաստանի և Իրանի արտաքին գործերի նախարարները, գրում է Bloomberg-ը։
Նշվում է, որ լուսանկարը կտրուկ հակադրվում է G20-ի ներկայացուցիչների՝ նոյեմբերին արված «քաոսային ընտանեկան լուսանկարին», որում բացակայում էին Միացյալ Նահանգների, Իտալիայի և Կանադայի առաջնորդները։
ԲՐԻԿՍ-ի գագաթնաժողովը տեղի է ունեցել Ռիո դե Ժանեյրոյում հուլիսի 6-7-ը։ Ռուսաստանի նախագահ Վլադիմիր Պուտինը գագաթնաժողովին մասնակցել է տեսակապի միջոցով։ Ռուսական պատվիրակությունը գլխավորել է արտաքին գործերի նախարար Սերգեյ Լավրովը։
