Իրանում իշխանափոխության որոշումը պետք է կայացնի Իսլամական Հանրապետության ժողովուրդը, երկուշաբթի օրը հայտարարել է Իսրայելի վարչապետ Բենիամին Նեթանյահուն։
«Կարծում եմ՝ դա Իրանի ժողովրդի որոշումն է», -ասել է նա՝ պատասխանելով լրագրողների հարցերին Սպիտակ տանը ԱՄՆ նախագահ Դոնալդ Թրամփի հետ հանդիպման սկզբում։ Իսրայելի վարչապետը, ըստ էության, անպատասխան թողեց այն հարցը, թե արդյոք նա Իսրայելի պետության կողմից Իրանի դեմ ռազմական գործողությունը համարում է ավարտված։
«Եթե ձեզ հաջողվել է ազատվել ուռուցքից, դա չի նշանակում, որ այն չի վերադառնա։ Անհրաժեշտ է անընդհատ վերահսկել իրավիճակը՝ համոզվելու համար, որ վերադարձի փորձեր չկան։ Անհրաժեշտ է իրավիճակի մանրակրկիտ մոնիթորինգ, որպեսզի մենք չկրկնենք ռազմական գործողությունը։
Այնուամենայնիվ, սա պատմական հաղթանակ է, որն արդեն փոխել է Մերձավոր Արևելքի դեմքը և, կարծում եմ, հնարավորություն է տվել Աբրահամի համաձայնագրերի պատմական ընդլայնման համար», - ասել է Նեթանյահուն։
Թրամփը, իր հերթին, ասել է, որ հույս ունի, որ Իրանի դեմ ռազմական գործողությունները կավարտվեն։
«Հուսով եմ՝ դրանք կավարտվեն։ Կարծում եմ՝ Իրանը ցանկանում է հանդիպում։ Կարծում եմ՝ նրանք խաղաղություն են ուզում», - ասել է նա։
