Բրազիլիայի նախագահ Լուիս Ինասիո Լուլա դա Սիլվան նշել է, որ Բրազիլիան ինքնիշխան երկիր է և չի ընդունում արտաքին միջամտություն։ Պետության ղեկավարը սա ասել է ԱՄՆ նախագահ Դոնալդ Թրամփի կողմից երկրի նախկին նախագահ Ժաիր Բոլսոնարոյի նկատմամբ Բրազիլիայի իշխանությունների գործողությունների քննադատության ֆոնին։
«Բրազիլիայում ժողովրդավարության պաշտպանությունը բրազիլացիների պատասխանատվությունն է։ Մենք ինքնիշխան երկիր ենք։ Մենք չենք ընդունում որևէ մեկի միջամտությունը կամ խնամակալությունը», - ասել է Լուլա դա Սիլվան X-ում հրապարակված հայտարարության մեջ։
Նա ընդգծել է, որ հարավամերիկյան երկիրն ունի ուժեղ և անկախ ինստիտուտներ, որոնք ապահովում են օրենքի առջև բոլորի հավասարությունը։
Ավելի վաղ Թրամփը հայտարարել էր, որ Բրազիլիայի իշխանությունների գործողությունները երկրի նախկին նախագահի դեմ համարում է «քաղաքական հակառակորդի վրա հարձակում» և «կախարդների որս»։
