ԱՄՆ ռազմական օգնության դադարեցումը կարող է Ուկրաինայի խոշոր քաղաքները, այդ թվում՝ Կիևը, թողնել առանց ՀՕՊ համակարգերի, գրում է Telegraph թերթը՝ հղում անելով ուկրաինական հետախուզության աղբյուրին։
Աղբյուրի փոխանցմամբ՝ հարցը վերաբերում է, մասնավորապես, Patriot հակաօդային պաշտպանության համակարգերի համար նախատեսված որսորդական հրթիռներին, որոնց մատակարարումը Ուկրաինան կարող է կորցնել Կիևին ռազմական օգնության դադարեցման շրջանակներում։
«Կան բաներ, որոնք միայն Միացյալ Նահանգները կարող են մատակարարել», - ասել է աղբյուրը։
Նրան համակարծիք է «Ուկրաինայի անվտանգության և համագործակցության կենտրոն» ոչ կառավարական կազմակերպության ղեկավար Սերգեյ Կուզանը, ով հայտարարել է, որ ամերիկյան զենքի մատակարարումների կասեցումը «խնդիր է ոչ այնքան մարտադաշտում, որքան թիկունքում»։
Միաժամանակ, ուկրաինացի զինվորականներին մոտ կանգնած մեկ այլ աղբյուր, որի խոսքերը մեջբերում է Telegraph-ը, պնդում է, որ Ուկրաինան «մինչև այս տարվա վերջ» որևէ խնդիր չունի ՀՕՊ համակարգերի հետ կապված։
